• 我們是
  • 引 領航理念
  • 合作伙伴
  • 引 領航話你知
  • 創業營商心得
  • 創業資訊
  • 二十歲出頭就創業?到底是靠「父幹」還是靠實力03-04-2019

    曾經有香港富二代講過:「後生仔睇少啲戲、去少啲日本,就能夠儲錢比首期上車。」但事實係唔係過軍訓式生活,就可以儲到錢?身為九十後的黃傲邦及陳偉恆,用佢哋嘅創業史話俾我哋聽,即使街照去、日本照去,依然可以儲到三十萬,開店創業。

    · 讀書?定係早啲出黎做野?

    對比還在讀書的童年朋友,黃傲邦及陳偉恆都表示自己無後悔走此路:「如果讀一科無興趣嘅,或喺無意思去投身嘅行業,不如早啲出黎做野,搵屬於自己嘅方向。」

    環顧這家只有三百呎的居酒屋,這裏的一桌一椅也是出至二人多年來的積蓄,毫沒「父幹」。畢業於中華廚藝學院、投身社會已一段時間的阿邦,和同樣從事飲食業、以往在酒吧作調酒師的阿恆指出,儲錢嘅過程無想像中咁辛苦,只喺有啲野你無得再成日買,同埋會規劃自己每日洗費,有時計劃左同朋友去玩,就會多除少補。

    其實說到尾,儲錢跟做人一樣要談平衡,不能過得只剩下生存沒生活。

    · 第一關輕鬆過關 業主欣賞自願減租

    二十齣頭就創業,呢條路絕對唔會一帆風順,而第一關要過的就是找鋪位。

    「我哋一心想搵二百五十呎既鋪位,一黎因為資金有限,二黎想同客人親密啲唔想被廚房同樓面所分隔。」阿恆以日本家庭式的居酒屋為開店藍圖,但香港地鋪面績普遍都在他們目標之上,結果也大大超出租金預算,曾一度想放棄的二人,卻在戲劇性的發展下,落腳於近朗屏西鐵站的一個三百呎鋪位。「我哋向業主介紹左背景及理念後佢好支持,於是將租金減左一成半至二萬一千,喺一年死約後先回升佢原先開嘅價位。」

    業主表示,「咁後生創業好難得,唔想因為鋪位問題而阻攔到佢咃。」第一關雖在富人情味的業主幫助下順利渡過,但卻在第二關裝修時賠上慘痛的額外二十萬。

    · 第二關慘痛賠上二十萬 裝修遇人不淑

    第一關雖在富人情味的業主幫助下順利渡過,但卻在第二關裝修時賠上慘痛的額外二十萬。「當時我哋搵咗間喺網上見到嘅公司,佢話包一條龍裝修及出牌,點知接近交貨日子時都未睇到完工嘅日子,於時我哋就開始驚,搵左另一間公司上黎睇,一睇就知大件事。」

    原來第一間裝修公司把他們的餐廳作為一般傢具裝修處理,無論是門高或廚房設備等全都不合出牌規格。覺得「唔對路」的二人,即刻換公司收拾殘局,雖然業主願意加長免租期,但最後也延遲了開店日子,總花了四十萬才完成裝修。

    額外花多二十萬可謂痛到入肉,但二人卻沒怨天尤人扮演悲觀主角,阿邦認為這段慘痛經歷,有部分都係自己嘅問題:「其實查番就知佢哋係慣犯,有一部分都喺因為我哋無睇清楚信錯人。」

    · 廚房內外合作無間 家人義務幫拖

    對比阿邦每天都準時上班,阿恆則會遲兩小時回鋪頭,其實唔係因為偷懶,而係二人定位分明。「我哋既分界係廚房內同外,佢專心煮食,以外嘅包括請人、樓面等全包我身上,所以每晚佢搞掂完廚房既事我會叫佢早啲番去休息,我會埋完數先走。」

    店內除了有一名全職及兩名兼職員工,每到午市阿恆的家姐Connie也會經常過黎幫手。「 我都無見過有人擦廚房要擦成兩個鐘,佢哋真喺好誇張!但我諗正因為佢兩個事事有要求,啲客先會再黎。」Connie微帶嘲笑道。

    當初決定不再升學,阿恆家人如阿邦的一樣反應;但到今時今日,Connie已改變想法。「佢雖然得廿一歲,但好有心,就算真喺做唔到落去都可以重新開始。」